Þá er ekki að vanbúnaði og bjóða sig fram í embættin sem eru í boði og skilafrestur er fram að kosningum á mánudagskvölið 12.apríl.

Verður boðið upp á lambasteik í aðalrétt og súkkulaðiköku í eftirrétt á fundinum + einn stór bjór eða gosglas.

Vona góðar undirtektir

Roundtable kveðja

Konni Formaður RT-5

Ferð í Sænautasel

Sl. laugardag fóru 6 menn úr Rt-5 í Sænautasel til að taka þátt í gleði 9 manna. Við lögðum af stað um hálf þrjú og vorum komnir á áfangastað um 6 leytið. Það gekk ekki alveg snuðurlaust fyrir sig, við festum einn bílanna og þjöppuðum okkur því í hina tvö sem komust á leiðarenda. Við fengum skemmtilega bjórkynningu frá Rt -14 á Selfossi, fengum að smakka Freyju, Móra, Skjálfta og Lava. Við snæddum dýrindis hangikjöt og heitt saltkjöt með meðlæti. Það var mikið spjallað og gantast, enda um 30 frábærir félagar saman komnir. Ferðin var frábær í alla staði og eiga níumenn hrós og þakkir skilið :)

Fundur 529 - Gestafundur

Fundur 529 var svokallaður gestafundur. Ekki frekar en áður klikkuðu menn þarna. Hjalli og Njalli sáu um þennan fund og var gesturinn Dandi hjá JMJ herrafataverslun á Akureyri. Þarna mætti á svæðið þvílíki sérfræðingurinn í tísku og herrafötum. Þessi verslun státar af því að eiga m.a um 1000 bindi af öllum gerðum, eitt stærsta úrval á landinu. Dandi fræddi okkur RT mennina um sögu jakkafata á Íslandi og sýndi okkur hvernig allskyns samsetningar passa saman. Hann taldi að ekki væri um það að ræða að einhver einn ætti að segja mönnum hvernig þeir eiga að klæðast heldur verði menn að reyna að prófa sig áfram. Þetta var samt sem áður frábær kennsla fyrir okkur og þökkum við honum auk Hjalla og Njalla fyrir frábæran fund.

Sameiginlegt þorrablót RT5 og RT7

Þorrafundur á mándagskvöldið 15.feb kl:20.00 í Íslandsbæ við Vín í Hrafnagili. Verður þessi fundur með mökum og RT 7 félögum auk maka þeirra, getur fjöldinn orðið 50 til 60m. Í byrjun fundar verða Konni og Haffi með mat og vínkynningu. Og ca.kl:21.oo snæðum við þorramat. Drykkir þá bjór og smá léttvín eru í boði Haffa og þorramatur frá Lostæti.Allt kvöldið verður í léttum gír og afslöppun eftir erfiðið um helgina.